2017-07-24 | TVB--《香港遊樂團》


大家尋晚係咪都睇左《香港遊樂團》呢?相信大家對曙光計劃都有更深入嘅認識喇!我哋嘅宗旨係「環保扶貧,回收助人」, 回收計劃唔單只有助減少浪費,更加可以創造就業機會,同時幫助到有需要嘅弱勢社群。

 

除左欣賞節目之外,我哋更希望大家解曙光計劃嘅運作,同時了解到循環再用、惜物減廢嘅理念及其重要性。每一件傢俬背後都有屬於佢嘅故事,亦代表曙光計劃對環保嘅付出同努力。

       

根據環境保護置資料,每日有近15,000公噸固體廢物棄置係堆填區,當中有四成竟然係家居廢物(每日近6000公噸)。可見家居廢物對環境造成嘅影響,以及香港人對物品嘅浪費。環保絕對唔係一件簡單嘅事,曙光計劃更加需要大家嘅支持。期待大家嚟到曙光計劃尋寶,找尋環保嘅樂趣!